Prabhat Times
ਜਲੰਧਰ। ਜਲੰਧਰ ਦੇ ਇੰਜੀਨੀਅਰ ਕਰਨਦੀਪ ਸਿੰਘ ਨੇ Google DeepMind ਅਤੇ Kaggle ਵੱਲੋਂ ਆਯੋਜਿਤ ਵਿਸ਼ਵ ਪੱਧਰੀ AI ਬੈਂਚਮਾਰਕਿੰਗ ਮੁਕਾਬਲੇ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕਰਦਿਆਂ ਗ੍ਰੈਂਡ ਪ੍ਰਾਈਜ਼ ਹਾਸਲ ਕੀਤਾ ਹੈ।
ਉਨ੍ਹਾਂ ਨੇ ਦੁਨੀਆ ਭਰ ਦੀਆਂ 1,000 ਤੋਂ ਵੱਧ ਟੀਮਾਂ, ਜਿਨ੍ਹਾਂ ਵਿੱਚ ਖੋਜ ਸੰਸਥਾਵਾਂ, PhD ਵਿਦਿਆਰਥੀ ਅਤੇ ਪ੍ਰਮੁੱਖ ਯੂਨੀਵਰਸਿਟੀਆਂ ਦੇ ਵਿਦਿਆਰਥੀ ਸ਼ਾਮਲ ਸਨ, ਨੂੰ ਪਿੱਛੇ ਛੱਡ ਦਿੱਤਾ।
ਆਪਣੇ ਪਹਿਲੇ ਵੱਡੇ ਅੰਤਰਰਾਸ਼ਟਰੀ ਮੁਕਾਬਲੇ ਵਿੱਚ ਇਕੱਲੇ ਹਿੱਸਾ ਲੈਂਦੇ ਹੋਏ, ਕਰਨਦੀਪ ਸਿੰਘ ਦੁਨੀਆ ਭਰ ਦੇ ਕੇਵਲ ਚਾਰ ਗ੍ਰੈਂਡ ਪ੍ਰਾਈਜ਼ ਜੇਤੂਆਂ ਵਿੱਚੋਂ ਇੱਕ ਬਣੇ।
ਇਸ ਉਪਲਬਧੀ ਲਈ ਉਨ੍ਹਾਂ ਨੂੰ $25,000 ਦਾ ਇਨਾਮ ਵੀ ਮਿਲਿਆ।
ਉਨ੍ਹਾਂ ਦੁਆਰਾ ਤਿਆਰ ਕੀਤਾ ਗਿਆ LearningBench ਨਾਮਕ AI ਬੈਂਚਮਾਰਕ 135 ਮੂਲ (Original) ਸਮੱਸਿਆਵਾਂ ‘ਤੇ ਆਧਾਰਿਤ ਹੈ।
ਇਸ ਦਾ ਉਦੇਸ਼ ਇਹ ਪਰਖਣਾ ਹੈ ਕਿ ਕੋਈ AI ਸਿਸਟਮ ਨਵੇਂ ਅਤੇ ਅਣਜਾਣ ਕੰਮਾਂ ਨੂੰ ਕਿੰਨੀ ਤੇਜ਼ੀ ਨਾਲ ਸਿੱਖਦਾ ਹੈ, ਨਾ ਕਿ ਉਹ ਪਹਿਲਾਂ ਤੋਂ ਕਿੰਨੀ ਜਾਣਕਾਰੀ ਯਾਦ ਰੱਖਦਾ ਹੈ।
ਇਹ ਗੁਣ Artificial General Intelligence (AGI) ਵੱਲ ਅੱਗੇ ਵਧਣ ਲਈ ਇੱਕ ਮਹੱਤਵਪੂਰਨ ਮਾਪਦੰਡ ਮੰਨਿਆ ਜਾਂਦਾ ਹੈ।
ਅੱਜ LearningBench Kaggle ‘ਤੇ ਦੂਜਾ ਸਭ ਤੋਂ ਵੱਧ ਵੋਟਾਂ ਪ੍ਰਾਪਤ ਕਰਨ ਵਾਲਾ AI ਬੈਂਚਮਾਰਕ ਬਣ ਚੁੱਕਾ ਹੈ, ਜੋ ਕਰਨਦੀਪ ਸਿੰਘ ਦੀ ਵਿਸ਼ਵ ਪੱਧਰੀ ਕਾਬਲੀਅਤ ਦਾ ਸਬੂਤ ਹੈ।।
—————————————————————————————————
————————————–
